«Кансерватыўна–Хрысціянская Партыя Беларускі Народны Фронт»

У сваім каментары адносна Славянскага гей–прайда партыя называе яго беларускіх удзельнікаў «садомскімі падонкамі», «гэбоўскай канторай», «педэрастамі», «гомікамі» і іншымі абразлівымі тэрмінамі.

«Минский курьер»

Менская гарадзкая газэта.

У № 101 ад 18.05.2007 журналісты Максім ЯГОРАЎ і Ірына ВАСІЛЬЕВА ў чатырох агрэсіўных артыкулах пайшлі ў наступ на менскі гей–клюб «Люцік» (які быў змушаны неўзабаве зачыніцца), вэб–бачыны і ан–ляйн знаёмствы сэксменшасьцяў.

«Першы музычны тэлеканал»

Беларускі ТБ-канал

Пачынаючы з 2006г. Першы музычны пачаў кіравацца новымі правіламі інтарактыўных сэрвісаў, дзе сярод рэкламуючых сэксуальныя паслугі, пад табу трапляюць і аб'явы гома і бісэксуальнага зместу. ЛГБТ-супольнасць лічыць гэта дыскрымінацыяй і пазбаўленнем праў.

Ганчарэнка Вячаслаў

Пастар пратэстанцкай царквы «Новае жыцьцё».

3 траўня 2008 г. накіраваў ад імя вернікаў царквы ліст міністру адукацыі А.М. Радзькову з выражэньнем занепакоенасьці хрысціянаў тым, што ў красавіку–траўні ў Беларусі праходзіць месяц мерапрыемстваў «па паніжэньні ўзроўню гамафобіі ў Беларусі.

Давыдзька Генадзь Браніслававіч

Намеснік старшыні Сталай камісіі Палаты прадстаўнікоў Нацыянальнага Сходу па правах чалавека, нацыянальных дачыненнях і сродках масавай інфармацыі

У чэрвені 2007г. прапанаваў у заканадаўчым парадку забараніць асобам нетрадыцыйнай сэксуальнай арыентацыі ўсынаўляць дзяцей.

Дашкевіч Зміцер

Лідар незарэгістраванай моладзевай арганізацыі «Малады Фронт»

«Я магу ставіцца так, што самі гамасэксуалісты — гэта ўжо ёсць гвалт, гвалт над мараллю, над чалавечай сутнасцю, у цэлым над усім здаровым, што можа толькі быць у грамадзтве». Дашкевіч ухваляе гамафобію ў сваіх інтэрвію. 2007г.

Кашэнкова Лілія Васільеўна

Чалец Сталай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры, навуцы й навукова–тэхнічным прагрэсе.

У чэрвені 2008 г. выступіла з прапановай забараніць працаваць зь дзецьмі асобам нетрадыцыйнай сэксуальнай арыентацыі, сьцвярджаючы, што “ад такіх людзей зыходзіць небясьпека для навакольных”.

Кучынскі Віктар Францэвіч

Чалец Сталай камісіі Палаты Прадстаўнікоў Нацыянальнага Сходу Рэспублікі Беларусь па аграрных пытаньнях; Кобрынская выбарчая акруга № 11.

У 2005 годзе сп. Кучынскі цалкам сур′ёзна прапанаваў увесьці, як у Савецкім Саюзе, крымінальную адказнасьць за гомасэксуалізм, аднак сустрэў супярэчаньні нават з боку кіраўніцтва МУС.