Навіны » Беларусь » 24 чэрвеня 2009 а 22⁵³

Актывісты ГейБеларусі і МСД–МГ сустрэліся з паслом Нідэрландаў

17 чэрвеня амбасадар Каралеўства Нідэрланды ў Польшчы спадар Марнікс Кроп сустрэўся з актывістамі ГейБеларусі і з маладымі сацыял–дэмакратамі. На сустрэчы абмяркоўваліся становішча ЛГБТ–супольнасці ў Беларусі, правы ЛГБТ і гамафобія. Старшыня праекта ГейБеларусь Сяргей Андросенка таксама распавёў аб сумесным з расейцамі Славянскім гей–прайдзе, а таксама распавёў пра ініцыятыву правесці ў 2010 годзе яго ў Мінску.

Таксама было выказана абурэнне пазіцыяй Аляксандра Казуліна адносна правоў ЛГБТ–супольнасці. Сацыял–дэмакрат ў Еўропе не можа быць гамафобам. Але сп. Казуліна не столькі ўпікнулі ў гамафобіі, колькі ў неадукаванасці па ўзгаданым пытанні і некарэктнасці.

Сябры Маладых сацыял–дэмакратаў — Маладой Грамады выказаліся, што ў самым хуткім часе Камісія ЛГБТ можа быць створана пры МСД–МГ. Таксама было ўзгадана пра падобную ініцыятыву Беларускай партыі «Зялёныя». Спадар Марнікс Кроп адзначыў, што падобныя Камісіі створаны амаль пры ўсіх палітычных партыях, у тым ліку правых.

Акрамя лідара праекта ГейБеларусь на сустрэчы, арганізаванай актывістамі МСД–МГ, прысутнічаў актывіст ГейБеларусі з Магілёва.

Як ужо пісалася раней, праект ГейБеларусь віншуе з перавыбраннем у Еўрапейскі Парламент ад Нідэрландаў спн. Сафі інт Вельд і спн. Жанін Эніс.

Таксама чытай інтэрвію сп. Марнікса Кропа для газеты "Наша Ніва"

Аўтар артыкулу: Красунчык

 Надрукаваць  Адаслаць спасылку сябру  Атрымаць копію  Камэнтаваць