Навіны » Беларусь » 2 сакавіка а 6³⁷

Gay.ru і Lesbi.ru сталі дасяжнымі ў Беларусі пасля перапіскі гей-актывістаў з Міністэрствам сувязі

На працягу апошніх 5 дзён-тыдня ў Беларусі стаў магчымы доступ да Расійскага нацыянальнага сервера геяў, лесбіянак, бісэксуалаў і транссэксуалаў Gay.ru / Lesbi.ru без абыходу забароны на яго ананімайзерамі.

Блакіроўка была ажыццяўлена «Белтэлекамам» праз наладкі DNS па загадзе Міністэрства сувязі ў 2004 годзе. «Белтэлекам», манапаліст па пастаўцы інтэрнэт–паслуг у Беларусі, выканаў загад.

Галоўны спэцыяліст упраўленьня электрасувязі Міністэрства сувязі Андрэй Сабораў у інтэрвію Радыё «Свабодзе» сцвярджаў, што «сайты заблакаваны згодна заключэнню Рэспубліканскай экспертнай камісіі па прадухіленню парнаграфіі, гвалту й жорсткасці (РЭК), і што камісія не раіла распаўсюджваць гэтыя сайты на Беларусі».

26 верасня 2009 на 5 Беларускай міжнароднай ЛГБТ-канферэнцыі ў прынятай большасцю галасоў Мінскай Рэзалюцыі аб правах геяў, лесбіянак, бісэксуалаў і трансгендарных людзей быў змешчаны пункт, які заклікаў «спыніць практыку блакавання доступу да ЛГБТ інтэрнэт-рэсурсаў».

Рэзалюцыябыла разаслана ў шэраг дзяржаўных устаноў Беларусі, у тым ліку ў Міністэрства сувязі і інфарматызацыі. У лістападзе 2009 прыйшоў адказ з Міністэрства сувязі, у якім сцвярджалася, што «Мінсувязі не вядомыя факты блакіравання доступу да ЛГБТ Інтэрнэт-рэсурсаў». Гэта сцвярджалася ў лісце, атрыманым за подпісам першага намесніка Міністра сувязі І.В. Рак.

3 снежня, сябрамі «ГейБеларусі» былі зроблены тэставыя спробы атрымаць доступ да сайтаў Gay.ru і Lesbi.ru у Мінску, Брэсце і Віцебску. Як і на працягу апошніх год – доступ да гэтых ЛГБТ Інтэрнэт-рэсурсаў, якія не маюць парнаграфічнага зместу, аказаўся немагчымым, аб чым гей-актывісты паведамілі ў чарговым лісце ў Міністэрства сувязі.

У апошнім адказе, атрыманым з Міністэртва інфарматызацыі гаворыцца, «што Міністэрства сувязі і інфарматызацыі не нясе адказнасці за дасяжнасць Інтэрнэт-рэсурсаў, якія размешчаныя ў расійскім нацыянальным сегменце сеткі Інтэрнэт (домен ru)».

За подпісам першага намесніка Міністра сувязі І.В. Рак раіцца «па пытаннях работаспасобнасці ўказаных рэсурсаў звярнуцца да адміністрацый згаданых сайтаў».

У лісце таксама гаворыцца, «што ў Рэспубліцы Беларусь згодна з ліцэнзіяй у вобласці сувязі аператары электрасувязі не ўпаўнаважаныя блакаваць доступ да інфармацыйных рэсурсаў сваім абанентам».

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтаваць