Міліцыя датэрмінова адвезла гей-актывістаў у суд

Навіны. Беларусь.
18 сьнежня 2009 а 9⁵⁹.
ГейБеларусь, фота: Настасся Шамрэй.

 Надрукаваць  Адаслаць спасылку сябру  Атрымаць копію  Камэнтары

17 снежня двух удзельнікаў акцыі ў абарону асуджаных на смерць геяў Ірана, якая адбылася 16 снежня, Сяргея Прадзеда і Аляксандра Гагарына супрацоўнікі Савецкага РУУС Мінска паасобку выклікалі на размову. Пры спробе патэлефанаваць адвакату ў Сяргея Прадзеда паспрабавалі забраць тэлефон. Пасля размоў актывістаў адвезлі ў суд.

Аляксандр Гагарын быў прызнаны вінаватым ва ўдзеле ў несанкцыянаваным пікеце і атрымаў штраф у тры базавыя велічыні (105 тысяч беларускіх рублёў). Сяргей Прадзед на судзе ж засведчыў, што міліцыянты пры затрыманні парушылі шэраг законаў і нагадаў, што мае права на адваката. Таму слуханне па справе Сяргея Прадзеда перанеслі на 22 снежня. Суд над Сяргеям Андросенкам адбудзіцца 23 снежня ў 11:00 у судзе Савецкага раёна (Лагойскі тракт, 3).

Як паведамляе Сяргей Прадзед: «Мяне распытвалі пра акцыю і кантакты з рознымі асобамі гадзіну. Размова была кшталту «вось мы думалі, што вы сапраўды за геяў, а вы гробаныя апазіцыянеры, мы да вас па-добраму, а вы нашу дзяржаву ачарняеце». Пасля міліцыянт сказаў ісці за ім, а пры спробе патэлефанаваць, ён загадаў забіраць у мяне тэлефон пры першай спробе тэлефоннай размовы і павезлі, не паведаміўшы куды. Было, сапраўды, страшна.

Прывезлі ў суд. Спаслаўшыся на артыкул 62 Канстытуцыі Рэспублікі Беларусь і на незаконныя дзеянні міліцыі, якая мяне прымусова ўтрымлівала і не паведамляла пра тое, куды мы едзем, я паведаміў, што маю адваката, але ён вольны толькі ў аўторак і суд перанеслі на 22 снежня».

Аляксандр Гагарын кажа, што дзеянні міліцыі былі досыць ветлівыя, але ў нефармальнай размове міліцыянт параіў яму не хадзіць па плошчах і не махаць сцягамі.

Абодвух актывістаў распытвалі аб кантактах з журналісткай незалежнай газеты «Наша Ніва» Настассяй Шамрэй і пра арганізатара акцыі.

На фота Настассі Шамрэй: Сяргей Прадзед і Аляксандр Гагарын