Навіны » Беларусь » 27 красавіка 2009 а 7⁵⁴

Расцяжку БНФ на Чарнобыльскім Шляху–2009 неслі і геі

26 красавіка ў Мінску адбылося жалобнае шэсце Чарнобыльскі Шлях. Акцыя сабрала блізу 1000 чалавек, гэта быў самы малалюдны жалобны мітынг за ўсю яго гісторыю. Квір–супольнасць у невялікім складзе таксама прыйшла на акцыю памяці трагедыі і пратэсту супраць пабудовы АЭС у Беларусі. Некаторыя актывісты гейскага руху і сябры партыі БНФ, у прыватнасці Аляксей Кліменка і яго хлопец, неслі расцяжку партыі БНФ. Іншая частка ЛГБТ–актывістаў, з праекта ГейБеларусь, гартавалася да анархістаў. Менавіта пры дапамозе анархістаў на падобным мерапрыемстве быў падняты вясёлкавы сцяг у 2008 годзе, у гэтым годзе, пасля размовы з суарганізатарам мерапыемствам Віктарам Івашкевічам, было прынята рашэнне сцяг не падымаць.

Здарыўся і дэманстратыўны выпадак. Да прадстаўнікоў праекта ГейБеларусь падыйшлі два актывісты незарэгістраванага нацыялістычнага Правага Альянса і, пачаўшы гучна смяяца, спыталі: «Ну чаму вы свой сцяг не падымаеце? Падымайце — не саромейцеся!».

За правядзеннем мерапрыемства сачыла вялікая колькасць спеслужбоўцаў у форме і ў грамадзянскім.

Трагічная даведка:

Раніцай 26 красавіка 1986 года адбыўся выбух на 4–м энэргаблёку атамнай электрастанцыі ў Чарнобылі, на памежнай з Беларусьсю ўкраінскай тэрыторыі.

Аварыя на ЧАЭС стала самай буйной тэхнагеннай катастрофай у гісторыі чалавецтва.

У паветра, ваду і глебу патрапіла ад 50 да 250 мільёнаў кюры, што адпавядае выбуху ня меней да 100 атамных бомбаў.

70% радыёактыўных адпадаў прыпала на тэрыторыю Беларусі. Забруджана болей за 23% тэрыторыі краіны.

Тэрыторыя ў 155 000 квадратных кілямэтраў да гэтай пары застаецца забруджанай небясьпечнымі ізатопамі цэзію–137 і стронцыю–190, якія маюць вельмі доўгі пэрыяд паўраспаду і будуць небясьпечнымі для людзей на працягу некалькіх стагодзьдзяў.

У чыстыя рэгіёны Беларусі пераселена было 138 тысячаў грамадзянаў з 470 населеных пунктаў Гомельскай, Магілёўскай і Брэсцкай абласьцей.

Болей за паўтара мільёны чалавек да гэтага часу жывуць на забруджаных тэрыторыях.

Эканамічныя страты Беларусі ад Чарнобыльскай аварыі перавышаюць 235 мільярдаў даляраў ЗША.

Беларуская апазыцыя з 1989 году праводзіць у Менску жалобныя шэсьці ў гадавіну аварыі.

Паводле Радыё «Свабода», «Наша Ніва», Моладзь БНФ, уласнай інфармацыі

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтары