Навіны » Беларусь » 10 чэрвеня 2009 а 5³⁰

Сёння ў Мінск прыязджаюць чальцы рэдакцыі Галоўнага гей–радыё Расіі

Рэдакцыя Галоўнага гей–радыё Расіі, якая таксама прымала актыўны ўдзел у першым беларуска–расійскім Славянскім гей–прайдзе, прыязджае ў Мінск 10 чэрвеня з грамадскімі і культунымі мэтамі. Узгаданае радыё з′яўляецца партнёрам Славянскага гей–прайда і праекта ГейБеларусь.

Як каментуе Мікалай Андрэеў, рэдактар і вядоўца радыё: «Беларускія актывісты раскрыліся нам у Маскве з абсалютна добрага боку, мы ў захапленні ад беларуских рабят. Нам цікава даведацца пра дзейнасць ГейБеларусі больш, нам цікава весці стасункі з рабятамі з ГейБеларусі. Таксама будзе абмеркавана магчымасць яшчэ больш шырэшага супрацоўніцтва паміж ГейБеларуссю і Галоўным гей–радыё Расіі».

Нагадаем, што па аўторках а 21 гадзіне, з паўторам па пятніцах а 22, на Галоўным гей–радыё Расіі выходзіць перадача Сяргея Андросенкі «ГейБеларусь і ГейРасія сёння», якая інфармуе аб дзейнасці ўзгаданых праектаў, Славянскім гей–прайдзе і Месяцы супраць гамафобіі ў Беларусі.

Таксама ў Мінск, разам з Мікалаем Андрэевым, прыязджае каментатар радыё Аляксандар Марозаў.

Расійскія гей–актывісты плануюць прабыць у Мінску некалькі дзён. Актывісты ГейБеларусі, акрамя працоўных сустрэч, таксама арганізуюць для гасцей культурныя і краязнаўчыя мерапрыемствы.

ГейБеларусь заўсёды рада вітаць сваіх сяброў у Беларусі!

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць