Навіны » Беларусь » 23 верасьня 2008 а 6²⁰

Сьвятаслаў Семянцоў напісаў хлусьлівы даклад на замову Ўраду Злучаных Штатаў Амэрыкі

Пятага верасьня незарэгістраваны інфармацыйны цэнтар «Тэма» (Гомель) апублікаваў даклад па становішчы сэксуальных меншасцяў у Беларусі. У дакладзе гаворыцца аб супрацьпраўных фактах супрацоўнікаў міліцыі, КДБ, «адмысловай» паліцыі і, вядома ж, гамафобаў у Беларусі.

Як паведамляецца ў дакладзе, ў Гомелі хлопец то Ігар, то Дзяніс «у адным з рэгіянальных цэнтраў» арганізоўвалі вечарыны для мясцовых геяў і лесьбіянак. Арганізатары вечарын былі падвергнутыя міліцэйскай самаўпраўнасьці, з прычыны чаго ў гэтых гарадах перасталі праходзіць дыскатэкі й вечарыны.

Больш паловы дакладу надаецца Гомелю, дзе міліцыя і «адмысловая паліцыя» не проста палюбіла правяраць і дыскрымінаваць мясцовых геяў, а нават пачала іх рабаваць. Так у ноч з 28 на 29 жніўня 2007 году хтосьці абрабаваў кватэру мясцовага гей–лідэра, і, вядома ж, падазрэньні палі на супрацоўнікаў міліцыі й КДБ.

Адмысловую ўвагу варта надаць інфармацыі аб ператрусе супрацоўнікамі КДБ «вядомага беларускага гей–журналіста» Сяргея Подсасонага, найвядомага журналіста, які займаецца праблемамі ЛГБТ, але якога ў асяродку геяў і лесбіянак ніхто ня ведае. Цікава, ці ведае сам Сяргей аб тым, што ён стаў журналістам гей–тэматыкі?!

Таксама ў дакладзе згадваецца й ператрус КДБ аргкамітэта міжнароднай канферэнцыі ЛГБТ, факт ператрусу й наступнага затрыманьня ўсіх арганізатараў канфэрэнцыі дагэтуль ня могуць пацьвердзіць «затрыманыя».

Дзіўным у гэтым дакладзе падаецца й аўтаркі склад: Сьвятаслаў Семянцоў і, нібы, Вячаслаў Бортнік. Аднак, на пытаньні беларускіх калегаў: «Як можна было публікаваць такія даныя?» адрасаваныя Вячаславу Бортніку, атрымалі чаканы адказ:

«Мяне ўжо пасьпелі заваліць пытаньнямі з нагоды новага «дакладу па правах ЛГБТ». Асабіста я не маю ніякага дачыненьня да яго аўтарства, хоць там і выкарыстоўваюцца некаторыя матэрыялы, падрыхтаваныя раней мною і апублікаваныя ў розных друкаваных і сеціўных крыніцах. Аднак, пад тым, у якім выглядзе даклад існуе, свайго подпісу я бы не паставіў
»

Арыгінал дакумэнта Вы можаце прачытаць тут (PDF, 470Кіб).

Камэнтар Gayby.org

Даклад Семянцова - гэта асобны праэкт Ураду ЗША, адзначыў сам СЕМЯНЦОЎ. Гэта й зразумела, бо менавіта на сайтах ураду ЗША й публікуюцца гэтыя лжывыя зьвесткі, якія выдумляюцца спэцыяльна, каб ачарніць Беларусь. Тут мае месца палітычная прастытуцыя:

«кто платит деньги, тот и заказывает музыку
»
— С. Семянцоў

Аб гамафобіі ў Беларусі на нашую думку гаварыць трэба, але не такім чынам. Таму даклад СЕМЯНЦОВА адназначна ня будзе прыняты беларускай грамадзянскай супольнасьцю, тутэйшымі ЛГБТ-актывістамі, а таксама ня будзе адэкватна ўспрыняты й часткай заходняга грамадзтва. Слава заўсёды даганяе свайго героя, слава Семянцова таксама ідзе за ім сьледам.

Паводле Gay.by

Аўтар артыкулу: Аляксандар ПАЛУЯН, Сяргей АНДРОСЕНКА

 Надрукаваць  Адаслаць спасылку сябру  Атрымаць копію  Камэнтаваць