Тэкст Мінскай Рэзалюцыі аб правах ЛГБТ

Навіны. Беларусь.
30 верасьня 2009 а 19²⁴.
ГейБеларусь.

 Надрукаваць  Адаслаць спасылку сябру  Атрымаць копію  Камэнтаваць

Мінская Рэзалюцыя аб правах геяў, лесбіянак, бісэксуалаў
і трансгендарных людзей

Мы, удзельнікі міжнароднай канферэнцыі «ЛГБТ-рух і няўрадавыя арганізацыі. Перспектывы супрацоўніцтва з сектарам НДА і актыўнай грамадзянскай супольнасцю для пераадолення гамафобіі ў Беларусі»,

прымаючы да ўвагі Канстытуцыю Рэспублікі Беларусь, Рэкамендацыю №1474 Парламенцкай Асамблеі Рады Еўропы пра становішча лесбіянак і геяў у краінах чальцах Рады Еўропы, Міжнародны Пакт грамадзянскіх і палітычных правоў,

улічваючы, што Рэспубліка Беларусь дэкрыміналізавала гомасэксуальныя адносіны ў 1994 годзе, а ў 1990 годзе Сусветная Арганізацыя Аховы здароўя выключыла гомасэксуальнасць з пераліку псіхалагічных захворванняў,

мяркуючы, што Рэспубліка Беларусь імкнецца стаць паўнапраўным чальцом Рады Еўропы,

звяртаемся да Прэзідэнта Рэспублікі Беларусь Аляксандра Лукашэнкі, Ураду Рэспублікі Беларусь і Парламенту Рэспублікі Беларусь з заклікам:

1. Унесці ў пералік заканадаўча забароненых падстаў для дыскрымінацыі паняцця сэксуальнай арыентацыі і гендарнай ідэнтычнасці;
2. Унесці ў крымінальнае заканадаўства папраўкі, якія тычацца забароны распальвання нянавісці і варожасці па прыкмеце сэксуальнай арыентацыі і гендарнай ідэнтычнасці;
3. Ураўняць у правах аднаполыя і разнаполыя сямейныя пары;
4. Афіцыйна прызнаць 17 траўня ў Рэспубліцы Беларусь Днём супрацьстаяння гамафобіі;
5. Аказваць садзейнічанне ў правядзенні мерапрыемстваў супраць гамафобіі ў Беларусі, уключаючы садзейнічанне правядзенню 15 траўня 2010 года мерапрыемстваў Славянскага гей-прайда ў Мінску;
6. Прызнаць права арганізацый геяў, лесбіянак, бісэксуалаў і трансгендарных людзей на дзяржаўную рэгістрацыю;
7. Спыніць практыку блакавання доступу да ЛГБТ інтэрнэт-рэсурсаў.

Мінск, Рэспубліка Беларусь                                                                        26 верасня 2009 года