Навіны » Беларусь » 8 студзеня а 0³⁵

Транс-Калядкі ў другі раз прайшлі ў Мінску (+фота)

Культурна-творчая акцыя трансвестытаў, травесці і з імі салідарных у другі раз прайшла у Мінску ўвечары 6 студзеня 2010. Транс-Калядкі, як і ў мінулым 2009 годзе, прайшлі ў заможным раёне элітнай забудовы ў мікрараёне Усход, за Нацыянальнай бібліятэкай Рэспублікі Беларусь, па вуліцах Валенція Ваньковіча, Ігната Буйніцкага і да іх прылеглых. Акцыя была арганізаваная праваабарончым праектам «ГейБеларусь».

У Транс-Калядках прыняло ўдзел дзесяць чалавек, хлопцы і дзяўчаты; усё прайшло ў атмасферы свята, нацыянальнай беларускай традыцыі. Акцыя прайшла без здарэнняў. Наадварот, удзельнікі акцыі ўсё больш сустракаліся з добразычлівасцю і ўсмешкамі, з віншаваннямі і ўсцешанымі тварамі.

Па словах удзельніцы Транс-Калядак Малышкі Клаўдзіі, вельмі добра, што ўтвараецца падобная традыцыя, «калі ў ЗША робяць забег трансвестытаў, па ўсім свеце ладзяць конкурсы прыгажосці травесці, то ў Беларусі ладзяць Транс-Калядкі – гэта можа стаць нашай асаблівасцю». Малышка Клаўдзія пераканана, што з гадамі акцыя набудзе большую папулярнасць і на яе будзе выходзіць у разы больш ражаных людзей. Яна задаволеная тым, што сёння зрабілі калядоўшчыкі і тым, што сёння было назбірана.

Арганізатар Транс-Калядак-2009 Сяргей Андросенка выказаў меркаванне, што вельмі добра, што беларускі ЛГБТ-рух займаецца прапагандай не толькі цярплівасці і правоў чалавека, але і нясе ў людзі любоў да нацыянальных традыцый, нацыянальных каштоўнасцяў.

«Мы святкуем Хэлоўін, але абсалютна раўнадушныя да сваіх старажытных традыцый. Гэтую сітуацыю трэба выпраўляць. І беларускія ЛГБТ-актывісты могуць паспрыяць гэтаму. Мы клапоцімся за сваю індывідуальнасць, не толькі гендарную і сэксуальную, але і нацыянальную. З’яўляючыся меншасцямі, мы застаемся беларусамі». – выказаў сваё гледзішча кіраўнік «ГейБеларусі» Сяргей Андросенка.

У гэтым годзе і падлеткі далучыліся да акцыі:

Праз увесь горад:

А па дарозе танчым:

Дзяўчына ў вобразе сапраўднага беларускага мужыка, а мужчына як жанчына:

Рыхтуем пакункі для падарункаў:

Вось і першыя гаспадары аддзячылі за песні:

Большасць гаспадароў вельмі рады калядоўшчыкам:

Гатовы танчыць і спяваць разам з імі

Мужчыны таксама рады Транс-Калядкам:

Нехта пляскаў у далоні, пакуль калядоўшчыцы спявалі:

Усе хацелі быць шчаслівымі ў наступным годзе:

Дорачы ўсмешкі:

Калядная зорка:

Эх! А зараз дзелім накалядаванае:

Фота: Валера Пераверзін і Мікіта Хмарун, «ГейБеларусь»

Аўтар артыкулу: ГейБеларусь, фота: Валера Пераверзін і Мікіта Хмарун

 Надрукаваць  Адаслаць спасылку сябру  Атрымаць копію  Камэнтары