Навіны » Еўропа » 2 сакавіка а 8⁴⁴

Скандал у Швецыі: Гэта не я, гэта Урсула

32-гадовы дэпутат шведскага парламенту Фрэдрык Фэдэрлі (Партыя цэнтрыстаў) апынуўся нядаўна ў цэнтры немалога скандалу, як на Швецыю. Палітык ніколі не хаваў таго, што ён гомасэксуал і трансвестыт, а нават сам не раз дасылаў у СМІ здымкі, на якіх пазаваў як Урсула аф Драгбэнэ, alter ego Фрэдрыка.

Скандал пачаўся пасля таго, калі стала вядома, што Урсула адпачывала на Канарах, а фінансавалі яе адпачынак авіялініі Norwegian і некалькі невядомых спонсараў. Медыі, зразумела, пачалі крытыкаваць Фэдэрлі, бо шведскі палітык не павінен сабе дазваляць выезды за грошы невядомых ахвярадаўцаў. «Гэта не я, гэта Урсула» - тлумачыў дэпутат.

Невыключана, што з гэтага скандалу Фрэдрык ці Урсула, а можа абое адразу, выйдуць сухімі.

Паводле Aftonbladet.se

Аўтар артыкулу: Hurnievic

 Надрукаваць  Адаслаць спасылку сябру  Атрымаць копію  Камэнтаваць