Навіны » Расія » 3 сакавіка 2008 а 0⁵⁷

Старэйшы гей–клюб Піцеру зачыніўся

Зачыніўся клюб «Грешники», старэйшая гей–установа расейскага Санкт–Пецярбурга.

Партал Xs.Gay.Ru паведамляе, што 2 сакавіка 2008 клюб па адрасе канал Грыбаедава 28/1 спыніў сваё існаваньне.

Апошнія 8 год клюб працаваў спэцыяльна для геяў і хлопцаў–бісэксуалаў.

«Мы ўдзячныя ўсім, хто акаляў клюб «Грешники» 8 год: сябрам і ня толькі. Усе вы дапамагалі нам жыць, разьвівацца, прымушалі ўдасканальвацца, нараджаць ідэі, ствараць нешта новае. Спадзяемся, што вы зможаце знайсьці месца для сустрэч і стасункаў, забыўшыся аб забабонах і надуманых прэтэньзіях. Клюб зачыніўся па прычыне таго…, што ён зачыняецца. Калі ласка, не шукайце іншых прычынаў. Усё ў рэшце–рэшт сканчаецца
»
— паведамляецца ў апошнім прэс–рэлізе клюба.

Тым ня менш, мы патэлефанавалі зь Менску ў Ст.–Пецярбург: у «Грешниках» працуюць/працавалі нашы сябры як у ліку пэрсаналу, так і ў ліку штатных драг–кўін. Нам засьведчылі, што «Грешники» зачыніліся таксама і з–за матэрыяльнага разьліку. Апошні год назіралася тэндэнцыя па ўсё большым памяншэньні колькасьці наведвальнікаў, асабліва ў будзёныя дні–ночы. Гей–клюб «Грешники» ня вытрымаў канкурэнцыі, саступіўшы па–суседску разьмешчанаму клюбу «CentralStation».

На гэтым лёс традыцыйнага піцерскага гей–клюбу «Грешники» закончаны. Рэдакцыя GAYBY.ORG смуткуе з гэтай нагоды.

Фотарэпартаж з закрыцьця Традыцыйнага гей–клюбу «Грешники» (Санкт–Пецярбург)

Аўтар артыкулу: Красунчык

 Надрукаваць  Адаслаць спасылку сябру  Атрымаць копію  Камэнтаваць