Навіны » Расія » 2 кастрычніка 2008 а 19⁵⁴

Улады Санкт–Пецярбурга забаранілі правядзеньне міжнароднага ЛГБТ–кінафэстывалю «Бок–о–бок»

Сёньня ў Санкт–Пецярбурзе павінен быў пачаць сваю працу першы міжнародны кінафэст ЛГБТ фільмаў «Бок–о–Бок», аднак праграма фэсту пацерпіць зьмены. Учора ў сувязі з загадамі пажарнай інспэкцыі Санкт–Пецярбургу былі зачыненыя клюбы «THE PLACE» і «СОЧЫ», у якіх павінен быў адбыцца кінафэст.

Прадстаўнік праэкту Gay.by, актывіст беларускага ЛГБТ–руху Аляксандр Палуян, які зараз находзіцца ў Пецярбурзе, паведаміў, што паказ першага фільму «Джоржды герл» («Georgie Girl»), які павінен быў пачаць фэст, у клюбе «Сочы», быў скасаваны.

Як паведаміла Паліна Саўчанка, адна з арганізатараў культурнага форуму, рашэньне аб зачыненьні ўстаноў будзе апратэставана ў судзе.

Вызначанае на восем гадзінаў вечара афіцыйнае адкрыцьцё кінафэсту таксама скасавана. Замест гэтага адбудзецца прэс–канфэрэнцыя, на якой арганізатары распавядуць аб сытуацыі на дадзены момант і далейшым лёсе «Бок–о–Бок». Таксама плянуецца збор подпісаў у падтрымку фэсту.

Беларускія ЛГБТ–актывісты ўжо абмяркоўваюць пытанне аб правядзенні акцый–салідарнасьці ў Беларусі ў сувязі з выпадкамі дыскрымінацыі гомасэксуалаў, якія пачасьціліся у Расейскай Фэдэрацыі.

Паводле Gay.by

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць