Навіны » Slavic Pride » 7 лютага а 15¹⁴

Славянскі гей-прайд у Мінску адбудзецца 15 траўня

У суботу 6 лютага ў Мінску адбылося паседжанне Аргкамітэту Славянскага гей-прайда, удзельнікі якога канчаткова зацвердзілі 15 мая гэтага года ў якасці даты правядзення публічнай акцыі ў падтрымку талерантнага стаўлення і захавання правоў і свабод асоб гомасэксуальнай арыентацыі ў Беларусі і Расіі. Прайд будзе прымеркаваны да чарговага Міжнароднага дня супрацьстаяння гамофобіі і трансфобіі, які адзначаецца ў свеце 17 траўня. Сябры Аргкамітэту з расійскага і беларускага праваабарончых ЛГБТ-праектаў GayRussia.Ru і GayBelarus.By зацвердзілі фармат маючага адбыцца мерапрыемства і парадак яго ўзгаднення з гарадскімі ўладамі Мінска.

Як заявіў пасля паседжання беларускі суарганізатар Славянскага гей-прайда Сяргей Андросенка, «ўжо ў бліжэйшы час мы пададзім ў Мінскі гарадскі выканаўчы камітэт афіцыйную заяву на правядзенне нашай маніфэстацыі. Мы маем намер выканаць усе фармальнасці працэсу ўзгаднення публічнага мерапрыемства, у адпаведнасці з патрабаваннямі беларускага заканадаўства».

Расійскі суарганізатор Славянскага гей-прайда Мікалай Аляксееў у сваю чаргу заявіў у суботу, што «расійскія гей-актывісты і ўдзельнікі Маскоўскага гей-прайда маюць намер падтрымаць сваіх беларускіх калег і сяброў і прыехаць у Мінск у сярэдзіне траўня, каб прыняць удзел у мерапрыемстве». Па словах Мікалая Аляксеева, «беларусы нам вельмі дапамаглі ў маі 2009 года ў Маскве, і мы прыедзем з у адказ дружалюбным візітам».

Сяргей Андросенка адзначыў, што «мы спадзяемся на дазвол беларускімі ўладамі нашай акцыі, якая пераследуе праваабарончыя і культурныя, а не палітычныя мэты. Грамадства павінна ведаць аб праблемах, з якімі сутыкаюцца геі, лесбіянка, бисексуалы і трансгендеры, каб стаць цярпімымі».

Лідэр праекту GayBelarus.By дадаў, што «ранняя падача заявы на правядзенне акцыі дазволіць нам у выпадку неабходнасці дабівацца справядлівасці ў судовых інстанцыях яшчэ да даты правядзення нашай маніфэстацыі. У крайнім выпадку, мы гатовыя звяртацца ў Камітэт па правах чалавека ААН, юрысдыкцыю якога прызнае Беларусь».

Нагадаем, што рух Славянскага гей-прайда быў заснаваны расійскімі і беларускімі актывістамі восенню 2008 года ў Мінску. Тады ж было вырашана, што першы сумесны Прайд адбудзецца ў Маскве, а другі ў Мінску.

У сярэдзіне мая мінулага года дзясяткі актывістаў з Расіі і Беларусі прынялі ўдзел у канферэнцыі Славянскага гей-прайда ў Падмаскоўі, пасля чаго 16 мая, у дзень фіналу песеннага конкурсу «Еўрабачанне», выйшлі на Вараб'ёвы горы ў Маскве, каб выказаць пратэст супраць гамафобіі. Каля 40 чалавек былі затрыманыя міліцыяй і асуджаныя за ўдзел у несанкцыянаванай публічнай акцыі.

Маскоўскія ўлады забаранілі правядзенне любых публічных акцый сэксменшасцяў ў рамках Славянскага гей-прайда. Рашэньне ўладаў было падтрымана Цвярскім раённым судом Масквы і Маскоўскім гарадскім судом. У бліжэйшы час арганізатары накіруюць скаргу супраць Расіі ў Еўрапейскі Суд па правах чалавека.

У ходзе суботняга паседжання Аргкамітэту Славянскага гей-прайда ўдзельнікі таксама абмеркавалі будучыню руху пасля правядзення мерапрыемства ў Мінску. Зацвярджэнне месца правядзення прайда ў 2011 годзе будзе прынята ў маі.

Нагадаем, што Славянскі гей-прайда в Мінску адбудзецца за два тыдні да пятага юбілейнага гей-прайда ў Маскве, запланаванага на 29 траўня.

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтары